«Барселона» клубының 17 жастағы шабуылшысы Ламин Ямаль мен 30 жастағы фитнес-модель Фати Васкес арасындағы мүмкін қарым-қатынас туралы тараған ақпарат қоғам назарын өзіне аударды, деп хабарлайды Sport-24.kz.
Испаниялық журналист Хави де Ойос жас футболшымен байланысып, бұл тақырыпқа қатысты пікірін сұрады. Ямаль өзінің Фати Васкеспен ешқандай қарым-қатынасы жоқ екенін нақты айтып, бұл ақпаратты жоққа шығарды.
Фати Васкес әзірге роман туралы тікелей пікір білдірмеген. Алайда модель әлеуметтік желідегі өзіне бағытталған қорлау пікірлерге жауап берді. Оны кейбір қолданушылар кәмелетке толмағанды «азғыруда» деп айыптаған.
«Кей адамдардың жүрегінде соншалықты қараңғылық бар екені өкінішті. Олар тіпті танымайтын адамға өлім тілеуге дейін барады. Адамдардың сыртқа шығаратын жеккөрушілігі олардың ішкі жағдайын көрсетеді. Мен өмірді мәнмен сүріп, дамуды, жарықпен өмір сүруді таңдаймын. Маған жамандық тілегендерге — сауығу тілеймін. Өйткені өзін қабылдай алған адам басқаны жек көрмейді», – деп жазды Васкес әлеуметтік желіде.
