BoxRec.com сайты Қазақстанның үздік 10 боксшысының (салмақ дәрежесіне тәуелсіз) рейтингін жариялады, деп хабарлайды Sport-24.kz.
Сәуір айымен салыстырғанда, мамырда топ-10 құрамында тек бір ғана өзгеріс болды: Елшат Нығметолла (21-0-2, 8 KO) ай басында намибиялық Филлемон Нгутенаньеге (12-0-2, 4 KO) қарсы өткізген күтпеген тең жекпе-жектен кейін жетінші орыннан сегізінші орынға сырғыды. Оның орнына Руслан Мадиев (17-2, 6 KO) көтерілді.
Қазақстандықтардың P4P рейтингінде көшбасшылықты Жәнібек Әлімханұлы (17-0, 12 KO) сақтап тұр. Ол орта салмақта WBO және IBF тұжырымдары бойынша әлем чемпионы белбеулерінің иегері.
BoxRec.com нұсқасы бойынша мамыр айындағы қазақстандық үздік 10 боксшы:
1. Жәнібек Әлімханұлы (17-0, 12 KO)
2. Сұлтан Заурбек (20-0, 13 KO)
3. Бекман Сойлыбаев (20-1, 11 KO)
4. Батыр Жүкембаев (24-1, 17 KO)
5. Данияр Елеусінов (12-0, 7 KO)
6. Бек Нұрмағанбет (14-0, 12 KO)
7. Руслан Мадиев (17-2, 6 KO)
8. Елшат Нығметолла (21-0-2, 8 KO)
9. Садриддин Ахмедов (15-0-1, 13 KO)
10. Сергей Липинец (18-4-1, 13 KO).
