UFC ресми сайты Америка промоушеніндегі айдың үздік нокаутының авторы болған қазақстандық спортшы Бекзат Алмахан туралы шолу жариялады, деп хабарлайды Sport-24.kz.
— «Алмахан — жеңіл салмақтағы назар аударуға тұрарлық «қара ат». Бұл оның UFC-дегі бар болғаны екінші жекпе-жегі еді, жекпе-жек Bell Centre аренасында өткен турнирді ашты. Бірақ есіңізде болсын, Алмахан жекпе-жектің қысқа уақыттық ескертпесімен шықса да, Умар Нурмагомедовты нокдаунға жіберіп, титулға үміткер спортшыны күреске назар аударуға мәжбүрледі. Бұл «Тұранның Жауынгерінің» октагондағы әлеуетінің қандай екенін көрсетеді», — делінген шолуда.
11 мамыр күні Алмахан Монреальда өткен UFC 315 турнирінде канадалық Брэд Катонаны бірінші раундта нокаутқа түсіріп, айқын жеңіске жетті. Бұл қазақстандық спортшының UFC-дегі екінші жекпе-жегі болды. Ал алғашқы жекпе-жегінде ол 2024 жылдың наурызында Умар Нурмагомедовпен кездесіп, төрешілер шешімімен жеңіліп қалған еді. Дегенмен, сол жекпе-жекте Алмахан ресейлік спортшыны нокдаунға жіберген алғашқы файтер атанған болатын.
