Қазақстан ұлттық құрамасының бұрынғы бас бапкері Магомед Адиев 34 жастағы жартылай қорғаушы Асхат Тагыбергеннің халықаралық мансабын аяқтауына орай өзінің алғысын жеткізді. Асхат Тагыберген Солтүстік Македонияға қарсы өткен әлем чемпионаты-2026 іріктеу кезеңінің үшінші тур матчынан кейін ұлттық құрамадан кететінін мәлімдеген болатын.
Ол Қазақстан құрамасында 63 матчқа қатысып, 3 гол соқты және 7 нәтижелі пас берді.
«Асхат, Қазақстан үшін жасаған барша еңбегіңе рақмет. Сенің қасыңда болу мен үшін үлкен мәртебе болды», — деп жазды Магомед Адиев Қазақстан футбол федерациясының Instagram парақшасында жарияланған жазбада.
