Қазақстандық боксшы, елдегі ең сұлу спортшы қыздардың бірі саналатын Балауса Мұздыман WBA (Дүниежүзілік бокс қауымдастығы) рейтингінде жоғарылады, деп хабарлайды Sport-24.kz.
Ол жеңіл салмақ дәрежесі бойынша әлемдік рейтингте төртінші орынға көтерілді. Бұл туралы Мұздыман өзінің Instagram парақшасында бөлісті:
«Құттықтасаңыздар болады. Еңбек ешқашан зая кетпейді. Төртінші орынға көтерілдік. Армандаған межеге дейін бірнеше қадам қалды», — деп жазды боксшы қыз.
Еске сала кетейік, Балауса Мұздыман соңғы жекпе-жегін 7 маусым күні Алматыда өткізді. Ол мысырлық Аия Рамаданмен жұдырықтасып, жекпе-жекті бірінші раундта-ақ нокаутпен аяқтап, айқын жеңіске жетті.
Мұздыманның бұл жетістігі — оның әлемдік аренада үлкен мақсаттарға бір қадам жақындағанының айғағы.
