UFC ұйымының грузин чемпионы Илия Топурия ресейлік файтер Ислам Махачевке қатысты даулы пікір білдіріп, оны қоғам назарынан тыс қалған спортшы деп атады, деп хабарлайды Sport-24.kz.
— Меніңше, Пэдди Пимблеттпен болатын жекпе-жек Ислам Махачевпен болатын кездесуден әлдеқайда қызықтырақ болар еді. Ислам ешкімге қызық емес. Тіпті Дағыстанда да ол жекпе-жек өткізген кезде адамдар ұйықтап қалады, ал таңертең ғана жекпе-жектің нәтижесін қарап шығады. Өз үйінде де ешкім оған назар аудармайды. Оның екі ауыз сөздің басын құрай алмайтыны да рас, — деді Топурия Кевин Айоле-ге берген сұхбатында.
Бұл мәлімдеме жанкүйерлер мен спорт сарапшылары арасында қызу талқы тудырды. Екі спортшы да UFC-дегі үздіктер қатарында саналады және мұндай пікірлер олардың арасындағы ықтимал жекпе-жекті одан сайын күмәнді әрі шиеленісті ете түсті.
