Орта салмақта WBO және IBF тұжырымдары бойынша әлем чемпионы Жәнібек Әлімханұлы бірден екі салмақ дәрежесінде «абсолют» чемпион атануға бағытталған жоспарын жария етті, деп хабарлайды Sport-24.kz.
Mo Boxing No Problem дерегінше, «Қазақ стилі» үшін мінсіз сценарий келесідей:
• Жазда, 2025 жылы — Жәнібек WBC белбеуінің иесі, доминикандық Карлос Адамеспен жұдырықтасып, орта салмақтағы титулдарды біріктіруді көздейді;
• Күзде немесе қыста, 2025 жылы — WBA чемпионы, кубалық Эрисланди Ларамен кездесіп, қалған белбеуді иеленгісі келеді;
• 2026 жылдың мамырында — екінші орта салмақта барлық негізгі титулдардың иесі, мексикалық Сауль «Канело» Альвареспен «абсолют» атағы үшін үлкен айқас өткізуді жоспарлап отыр.
Жәнібек бұл жоспармен өзінің Х (бұрынғы Twitter) парақшасында бөлісіп, ресми түрде растады.
Еске сала кетейік, Жәнібек Әлімханұлы соңғы жекпе-жегін 2025 жылдың 5 сәуірінде Астанада өткізіп, француз Анауэль Нгамиссенгемен кездесуде 5-раундта нокаутпен жеңіске жетті.
