Мадридтік «Реал» бас бапкері Карло Анчелоттидің клубтан кететінін ресми түрде мәлімдеді, деп хабарлайды Sport-24.kz.
65 жастағы итальян маманының соңғы матчы ертең өтеді – «Корольдік клуб» Ла Лигадағы 38-тур аясында «Реал Сосьедадты» қабылдайды. «Сантьяго Бернабеу» стадионында Анчелоттиге арналған арнаулы қоштасу рәсімі ұйымдастырылады.
Клубтың ресми мәлімдемесінде былай делінген:
«Біздің клуб „Реалдың“ және әлем футболының ұлы тұлғаларының бірі – Карло Анчелоттиге алғыс пен сүйіспеншілігін білдіреді. Ол клуб тарихындағы ең сәтті кезеңдердің бірінде команданы басқарды және „Реалдың“ тарихындағы ең көп титул жеңіп алған бапкер атанды:
– 3 Чемпиондар лигасы
– 3 клубтық әлем чемпионаты
– 3 УЕФА Суперкубогы
– 2 Ла Лига чемпиондығы
– 2 Испания Кубогы
– 2 Испания Суперкубогы
Барлығы 15 титул – 6 маусым ішінде.
Карло Анчелотти енді „Реал“ жанұясының мәңгілік мүшесі. Біз онымен бірге жұмыс істегенімізге мақтанамыз».
Анчелотти 2013–2015 және 2021 жылдан бері екі кезеңде «Реалды» жаттықтырды.
Айта кетейік, испандық БАҚ-тың дерегінше, оның орнына клубтың жаңа бас бапкері ретінде Хаби Алонсо тағайындалуы мүмкін.
