Аңызға айналған Криштиану Роналду тағы да таңдау алдында тұр: португалиялық футболшы «Аль-Наср» клубынан 400 миллион еуроға жаңа келісімшартты ұсынғанымен, одан бас тартты, деп хабарлайды Sport-24.kz.
Football Transfers порталының мәліметінше, Роналду бейсенбі күні клубпен қоштасатынын ресми түрде жариялайды. Ол екі жарым жыл бойы «Аль-Наср» сапында өнер көрсетті.
«Алтын доптың» бес дүркін иегері соңғы матчтан кейін жанкүйерлерге жұмбақ жазба қалдырды: «Бұл тарау аяқталды. Тарих? Әлі жазылып жатыр. Барлығыңызға алғысым шексіз».
Қазіргі уақытта Роналду жаңа келісімшарттан бас тартып, басқа клубтардың ұсыныстарын қарастыруда. Олардың арасында Сауд Арабиясынан тыс командалар да бар.
