ФИФА Бразилия футбол конфедерациясына (CBF) Карло Анчелоттидің ерлер құрамасының бас бапкері лауазымына тағайындалуы барысында футбол агенттері регламентінің бұзылуы мүмкін екендігіне қатысты тергеу жүргізу қажеттігі туралы ресми түрде хабарлады, деп жазады Sport-24.kz.
Ge.Globo дерегінше, келісімшарт аясында агент Диего Фернандеске төленетін комиссия көлемі 1,2 миллион еуроға жеткен. ФИФА өкілдері Диего Фернандестің соңғы күндері Анчелоттиді Бразилияға ресми таныстыруға дейін үнемі бірге алып жүрген рөліне күмән келтіруде.
Осыған орай, ФИФА CBF-ден мынадай ақпараттарды сұратты:
— Диего Фернандестің келісімшарттағы рөліне қатысты CBF-тің ұстанымы туралы қысқаша түсініктеме;
— келісімшартқа қатысты кез келген хат-хабарлар, әсіресе Диего Фернандеске байланысты жазбалар;
— келісімшартқа байланысты CBF тарапынан жасалған барлық төлемдердің көшірмелері;
— CBF пен Диего Фернандес арасындағы кез келген келісімдер.
ФИФА бұл мәселені мұқият зерттейтінін хабарлады.
