Нидерланды құрамасының жартылай қорғаушысы Тиджани Рейндерс ресми түрде «Манчестер Сити» ойыншысы атанды. Бұл туралы ағылшын клубы ресми хабарлады.
26 жастағы футболшы «Миланнан» ауысты, онда екі маусым өткізді. Өткен маусымда ол А Сериясының үздік жартылай қорғаушысы атанып, 54 ойында 15 гол соғып, өзінің мансабындағы ең нәтижелі көрсеткішке қол жеткізді. Transfermarkt мәліметі бойынша, трансфер құны 55 миллион еуроны құрады.
Айта кетейік, Рейндерсқа «Барселона» да қызығушылық танытқан еді, бірақ «Сити» жедел қимылдап, жартылай қорғаушыны өз қатарына қосуға көндірді. Бұл шешімге клубтың амбициясы мен Пеп Гвардиоланың жетекшілігі себеп болған.
«Сити» спорттық директоры Уго Виана ойыншыны «энергиясы, суыққандығы мен креативтілігі» үшін мақтап, оның команда сапында жаңа деңгейге көтерілуіне сенім білдірді.
Рейндерс орталық және шабуылшы жартылай қорғаушы позицияларында ойнай алады. Бұған дейін ПЕК «Зволле» мен АЗ клубтарында өнер көрсеткен. Халықаралық деңгейде 2023 жылы дебют жасап, Еуро-2024 турнирінде Нидерланды құрамасының жартылай финалға жеткен алты ойынының бәріне қатысты.
«Мен өте қуаныштымын. «Сити» — әлемдегі ең үздік клубтардың бірі. Гвардиола командасымен үлкен жетістіктерге жетті, мен де сол тарихтың бір бөлігі болғым келеді. АПЛ-де ойнау — арманым еді», — деді Рейндерс келісімшартқа қол қойғаннан кейін.
Айта кетейік, ол АҚШ-та өтетін Клубтық Әлем чемпионатына да қатыса алады.
